A CHARURGA (C.D.)
Intérprete: Xistra de Coruxo
Edita: Asoc. Gaiteiros da Xistra
Xénero: Música Popular en Galego
Contido: 16 melodías (52' 38")
Distribúe: Inquedanzas Sonoras
Transcorridos dez anos dende o seu último Tres nun, XISTRA DE CORUXO presenta un novo C.D. baixo o suxestivo e reivindicativo título da CHARURGA (metade charanga, metade murga).
Neste quinto traballo en solitario, composto por un total de dezaseis temas, os de Xistra volven propoñer outro novidoso xeito de difundir a música popular de Galicia que eles mesmos intentan experimentar e que definen como "aquel proceso galeguizador" que os nosos antecesores fixeron con todo tipo de melodías, incluídas as de procedencia non galega, e que agora forman parte do arquivo da Asociación Gaiteiros dá Xistra como resultado de máis de trinta anos de traballo de campo fundamentalmente na denominada Xistralia, que comprende o sur da provincia de Pontevedra e o Alto Minho portugués.
Fundamentalmente son melodías e ritmos popularizados por cuartetos, murgas, charangas e mesmo por aquelas incipientes orquestras da primeira metade do século XX que neste proxecto da CHARURGA DÁ XISTRA aparecen unificadas, reharmonizadas e reinterpretadas dun xeito libre.
Este proxecto discográfico foi gravado en Blanca Records entre os meses de novembro de 2013 e febreiro de 2014 por Antón Piñeiro como técnico de son e por Anxo Fdez. Davila como produtor. Aos que ademais se agradece a súa colaboración musical nalgúns dos seus temas interpretando acordeón e saxofón tenor, respectivamente. Asi mesmo participou Isma Guisande achegando o son da súa tuba nos temas "De Vigo a Pontevedra" e "Rumba dous Teixugos". Non menos importante resulta a presenza de César Freiría, Cé Orquestra Pantasma, como voz solista en "De chivas e cabuxas" e máis concretamente en "A Cabuxa", da súa propia autoría.
Escoitar "Portos" Escoitar "Muiñeira"
Escoitar: "De Vigo a Pontevedra" Escoitar "Teixugos"
